Desh ke gaddaron ko jootey maaro.
Jootey maaro unko
jo humaari zubaan ko modh kar humaari awaaz chheenna chahte hain,
jo humaari soch ko todh kar humaari aazaadi chheenna chahte hain,
jo humaare sharir ko maar kar humaare junoon ko ghayal karna chahte hain.
Desh ke gaddaron ko jootey maaro.
Jootey maaro unko
jo deshbhakti ke naam mein insaaniyat bhool gaye hain,
jo sarkaar ke kaam mein vyaktitva bhool gaye hain,
jo dharm ko aam karne mein sahin karm bhool gaye hain.
Bharat maata ki jai.
Uss maata ki
jo apne bacchon ko gaurav se jeene deti hain,
jo apne phoolon ko bedhadak khilne deti hain,
jo apne se bandhe har ansh ka haath thaamti hain.
Bharat maata ki jai.
Uss maata ki
jo apne bacchon ke khilaaf hathiyaar nahin uthati,
jo apne phoolon ko per se masal nahin deti,
jo apne se bandhe ansh ko kabhi dhokha nahin deti.